Ez hatim kuştin dişveke lal de
Ya hevîneke sar
Ez hatim kuştin di şeveke bêdeng de
Bi xemgînî ya havînê re
Bi lorînên dayîkê, bi berbangê
Li ber stirana kenê penaberiyê
Tazî û birçî
Xewna welatekî azad,
Bi min re penaber e
Ber bi welatên biyanî
Û ziman zincîrkirî, bi êşa jiyanê
Girî û hesreta mirineke bi şeref
Li ser axa rihmetê
Di gewriya min de bûye strî
Mirineke bê deng
Weke zarokekî biçûk
Di himbêza dayîka xwe de
Ketiye xew
Li ser kaniyekê,
Ji kaniyên Kela Mem ê
Yan jî,
Li bin derakê ji darên gozên Gabar
Şevekê ji şevên payîzê
Bi tev stranên bavê kal
Penaber im,
Li ser axa xwe
Penaber im,
Di welatê xwe de!..
Ji Pênûsa Gerîla
