PAJK: Em Ê Seîd Hesen Ti Carî Ji Bîr Nekin

0Shares

PAJK: Em ê şervanê demokrasî û azadiyê, têkoşer Seîd Hesen ti carî ji bîr nekin. Di serî de malbata wî, bila serê gelê me yê Êzidî, PADÊ, Meclîsa Xelkê Êzidxanê û gelê Kurd sax be.

“Di êrişa nemeradane ya rejîma faşîst a Tirk de, ji fermandarên hêja yên YBŞ’ê Seîd Hesen û hevrêyê wî şehîd bû, ku vê yekê em gelekî êşandiye. Ji rûspiyên xelkê me yê Şengalê Seîd Hesen ji bo azadiya xelkê Şengalê salên dûr û dirêj kedeke mezin da, têkoşiya. Seîd Hesen ku cihê xwe di dilê xelkê xwe de girt bi dilsoziya xwe ya bi baweriya xwe, bi welatparêzî û helwesta xwe ya yekîtiya neteweyî ya Kurd li çar parçeyan ji aliyê gelê me ve tê naskirin. Seîd Hesen ji bo rêxistinî û azadiya xelkê me yê Êzidî bi dil û can têkoşiya, di nava şert û mercên herî giran de bi rengekî fedakar tevlî bû. Tevlî şerê azadiyê yê li dijî DAÎŞ’ê bû, kir ku ciwanên Êzidî ber bi eniya berxwedanê ve seferber bibin û ji bo vegera xelkê Êzidî yê bi zora şer û komkujiyê koçber bûn û di ragihandina xweseriya Şengalê de xwedî kedeke mezin bû. Ev şedaet ji bo xelkê me yê Şengalê û gelê Kurd windahiyeke mezin e. Lê belê em zanin ku ciwanên xelkê me yê Êzidî wê têkoşîna bi rûmet a Seîd Hesen dewam bikin, wê ti carî serî li ber dijmin û mêtingeran netewînin û li dijî qirkirinê, têkoşîna hebûnê bi ser bixînin. Xelkê me yê Êzidî wê hesab ji dijminê qirker û hêzên komkujer bipirse.

Em ê şervanê demokrasî û azadiyê, têkoşer Seîd Hesen ti carî ji bîr nekin. Di serî de malbata wî bila serê civaka me ya Êzidî, PADÊ, Meclîsa Xelkê Êzidxanê û tevahiya gelê Kurdistanê sax be. Em soza xwe dubare dikin ku heta xwediyê zîhniyeta kujer ji vê xakê biavêjin, em ê her tim gelê xwe biparêzin û têkoşîna azadiyê bi ser bixînin.

Di demekê de ku êşên fermana 73’an ên civaka me ya Êzidî teze ne, birîn hînê nehatine pêçandin de şehîdxistina Seîd Hesen û şervanê YBŞ’ê Îsa Xwedêda ji aliyê dewleta Tİrk a qirker ve, polîtîkaya hêzên navneteweyî ya li dijî xelkê Êzidî radixe pêş çavan. Berpirsyarê esasî yê vê komkujiyê DYE ye ku qada hewayî ya Iraqê ji êrişan re vekiriye, hiqûqa navneteweyî bi cih nîne û Neteweyên Yekbûyî ye. Desthilatdariya Erdogan-Bahçelî-Soylû ku bi ruhekî paranoyak timî terorîstan hildiberîne û hewl dide armanca xwe ya ji bo komkujî û qirkirinê veşêre, sûcê şer dike. Êrişa hewayî ya li navenda Şengalê li dijî wesayita Seîd Hesen sûcekî şer jî nîne. Bi rengekî eşkere înfaz e. Li navenda Şengalê înfaz hatiye kirin, tê kirin. Eger hesabê qetilkirina Seîd Hesen bi rengekî xurt neyê pirsîn, ev tifaqa faşîst a sê alî ya li Tirkiyeyê wê ji bo tunekirina îradeya siyasî û leşkerî ya li Şengalê êrişên xwe yên nemerdane dewam bike. Li dijî vê komkujiyê nabe ku gelê me li Şengalê, Rojava, Başûr, Bakur û Ewropayê tenê bi çend çalakiyên girseyî li derbas bike. Ya ku divê bê kirin, hesabê vê êrişê bê pirsîn ku dewama qirkirinê ye, misogerkirina xweseriya Şengalê ye, parastina nirxên çandî yên xelkê me yê Êzidî ye.

Eşkere ye ku êriş di çarçoveya plan û komployeke mezin hatiye kirin. Hêzên navneteweyî ku ji bo komkujiyan rê dide dewleta Tirk a faşîst û civaka me ya Êzidî, gelê Kurd di bin zexta qirkirinê de dihêlin, dewletên DYE û Elmanya ne. Emerîka weke endamekî NATO’yê her cûre êrişên li dijî hiqûq û mirovahiyê yên dewleta Tirk a faşîst dipejirîne. Yê ku di çarçoveya berjewendiyên aboriyê de peymanan mohr dike dewleta Elmanyayê ye. Dewleta Elmanyayê bi salan e kiriye ku jiyan li vê xakê nebe, polîtîkaya koçberkirina Êzidiyan dimeşîne û li aliyê din jî li Ewropayê polîtîkaya hewandina Êzidiyan dimeşîne. Di serî de Elmanya, divê xelkê me yê Êzidî yê li Ewropa û Rûsyayê bersiveke mezin bidin vê komkujiyê. Eger dewletên navborî ne hevkarê vê komkujiyê bin, heta ku li hemberî Tirkiyeyê helwesteke berçav nîşan bidin, divê gelê me li her cihî nerazîbûnê nîşan bidin, çalakiyên şermezarkirinê li dar bixin.

Hevkarê vê komkuijyê Iraq û PDK ne ku bi Tirkiyê re li hev dikin, dixwazin xweseriya Şengalê û hêzên xweparastinê YBŞ, YJŞ’ê ji holê rakin. Xeta bi dijminatiya Kurdan a PDK herî pir di dijminatiya ser Êzîdiyan de xuya dike. PDK ya ku dema êrîşên DAÎŞ’ê Êzîdî berdan û reviyayî niha jî bi rengekî aşkere destekê dide kuştina Êzîdiyan. Tifaqên gemarî vê diçespîne. Her wiha organên weşanên ên PDK’ê yên bi desteka TC’ê ku êrîşa ser gelê me yê Êzîdî meşrû nîşan didan, Êzîdiyan dikin hedef ji bo van armancên gemarî têne bikaranîn. Ji ber vê em K24’ê ku dijminatiya Kurdan dike şermezar dikin.

Vîna siyasî ya gelê me yê Şengalê û Rojava ku ji çaxê DAÎŞ hatî şikandin û gelek caan projeyên çareseriya demokratîk danîn û hatiye xwestin ku statûya xweser a demokratîk were naskirin ji hêla hêzên Rojavayî ve nayê naskirin û şer tê girankirin. Drameke wiha gelê Efganîstanê jî dijî. Di serî de ji hêla Rûsya û DYE’yê ve naneikrina pergala Bakur-Rojhilatê Sûriyê strateiya domandina qirkirina li ser Kurdan, her cure komkujî, cinayet, talan û hilweşandinê ye. Hê di roja pêşî de ku Talîbanê dest li ser rêveberiya Efganîstnaê danî, ji hêla Rûsyayê ve naskirina wê siyaseteke komployê ya alçax e li ser gelên ku divê weke muxatab siyasî bigirta û li jinan e. Em vê helwesta Rûsya ji ber vê helwestê şermezar dikin. Hişmendiya ku Talîban weke rêveberiya fermîn as dike hişmendiya DAÎŞ’ê ye. Em bang li Tevgerên Jinan dikin ku li dijî Rûsyayê helwesta xwe nîşan bidin, piştevanê jinên Efgan bin.

Em êrîşên qirker ên li ser gelên çewisandî û çandan careke dî şermezar dikin. Em berxwedana gelê me yê Êzîdî ku li dijî qirkirinê têkoşoîna xwebûn û azadiyê didke slav dikin. Di şexsê Îsa Xwedêda, Bêrîvan Şengalî û bav Sedi Hesen hemû şehîdên me bi hurmet slav dikin, em son dixwin di avakirina Êzîdxana azad û xweser de bi peywira xwe ya pêşeng bi layiq rabin û bi cih bînin.”

PAJK Koordinasyonu

Attachment