Oy Delala Min

Arjîn Gerzan

Were perperîka min

Bifire li ezmanên bihara dilê min

Bibe dilopên barana ewrên vê biharê

Eşqa xwe di nav sedefên Munzur de biherikîne

Destûr bide ku Munzur evîna xwe

 Di reşkên çavên te de biresimîne

Ta ku bi hevre biherikin

Ewê gul û giyayên welatê me şîn bikin

Ewê welatê me êdî gilî û gazindan sala neke

Delal xwe ji rondikên welatê xwe  neparêze

Ewê te şil bike lê qet te nacemidîne

Wê dilopên êşa  zarokên xwe li ser te bibarîne

Wê ji Kemal û Heqiyan dest pê bike

Heya  Rojbîn û Fîdanan

Ji qêrîna zindana Diyarbekir

Heya kolanên parîsê

Ji cîgerên ku dinalin

Heya zarokên di destên wan de kevir

Wê bi axîneke kûr binale

Ûli çiyayên bedew li ser  şopa şepalan

Wê bihejîne dergûşa xwedevanan

Wê ji te re bilorîne oo oy delala mın

Porsora min;

Wê bihêle ku jiyan ji nûve

Di damarên te de şax bide

Tu bûye dengê îsyanên bê deng

Dîrok çîrok a te li ser rupelên xwe neqişande

Win bûn sê dil  û di bedenên cuda de lê didin

Lê li ser yek dozê win hevdû himêz dikin

Ewê bayê biharê bi xelekên porê Te re bileyze

Ewê dîrok hertim qala destana te bike

Tê her û her di dil û mejiyê mirovan de şîn bê