Ezmûna Kurd Bi PDK Re!

PDK bajarên Başurê Kurdistanê kiriye hêlîna MIT’ê. Vê jî têrê nekir li ser reya ezman û bejayî heya dawiyê deriyê Kurdistan ji dagirkeran re vekir, heya qadên tevgera gerîla lê heye de ji Îstîhbara Tirk (MIT) û efserên wan re pêşengtî kir û anî heya kûrahiya nava xakê. Dema li Kurdistana Bakûr vêna cerdevanan dikir me lanet dikir, me ji wan re digot cehş in. Lê PDK orxanîze kiriye û bi nasnameya hikûmeta Kurd têkiliyên herî gemar dimeşîne. PDK ne cehş be çiye wî demî?

PDK, kombûna cerdevanên Komara Tirk li Başûrê Kurdistanê ye. PDK koma îxanetê ya ku xwe difiroşe, parçe bi parçe pêşkêşî bazara dagirkeran dike ye. Hêzek ku ji bo Kurdistanê şer nake ye. Vêcarê ji bilî vê jî gerîlayên ku ji bo azadiya Kûrdistanê bi dil û can tekoşîn dide heger dikûje û dide kuştin ti demî ew qet ne Kurdistanî ne. Ev yek nabe jî ji xwe. PDK projeya dijî fikrê Kurdistanê ye. PDK hespê tiruva ya dijminan yê Kurdistanê ye.

Ji bo rastiya PDK bê dîtin li dîrokê nêrandin yê bes bibe.

PDK, heya niha xwîna bi sedan gerîlayên azadiyê û peşmergeyan rijandiye. Li Hewlêrê bi dehan şervanên bê çek û birîndar qetil kiriye. Cardin li qada Avaşînê li ser cihê ku gerîla wek nexweşxane bikardianî operasyon kiriye û li wir jî bi dehan gerîlayên birîndar qetilkirin e. Heya niha bi dewleta dagirker ya Tirk re beşdarî bi sedan operasyonan bûye. Bi dehan şervanan dîl girtiye, teslîmî dewletên Tirkiyê, Îran û Suriyê kiriye. Ji bo tinekirina gerîlayên azadiya Kurd her cûre agahiyên îstîhbaratî bi dijminên Kurdan re parve kiriye. Ji bo nefesa şoreşa Rojava qut bike her cûre embargo pêkaniye. Ji wargeha Mexmûr bi dehan welatparêz avêtiye zindanan, bi pêkanînên aqil jê nayê birîn li ser wargehê tecrîd û embargo pêkaniye, pêk tîne. Di fermana Şengalê de hem di warê dîplomatîk de, hem jî di warê leşkerî de rol lîstiye û bûye sebeba kuştina bi hezaran Kurdê Êzidî û esareta wan. Û bi sedan suçên din pên PDK wekî vana hene ku mirov dikare rêz bike û biçe.

Li Başûrê Kurdistanê ji artêşa dagirker ya Tirk re ji bo nêzî 100 baregehên xwe veke destûr daye. Di aliyê din de jî weke istihbaratê bi rêveberiyên herî jor û jêr yên MIT’a Tirk re di nav peywendiyê de ne.

Ji bo PDK Kurdistan nîne, tinê malbata Barzanî heye û hemû derfetên li Başûr li ser bingeha menfaata malbata Barzanî tê bikaranîn. Gelê Başûr ji hemû dewlemendiyên Başurê Kurdistanê mehrûm ma ye.

PDK ji bo xwe li rejîma faşîst ya Komara Tirk bide ecibandin bi dehan welatparêzên ji Bakurê Kurdistanê teslîmî MIT’ê kiriye û MIT’ê jî hewildaye vana weke operasyonên taybet bi xwe kirî pêşkeşî raya xwe ya giştî bike û herkesî bixapîne. Petrol û meaşê karker û kedkarên Başurê Kurdistanê nayê dayîn. Meaşê ku Bexda bi awayek rêkûpêk herdaîm şandî ji aliyê malbata Barzanî û PDK ve tê dizîn. Gelê Başûr îro bi împaratoriya tirsê re tê birêve birin. Ji çalakiyekî demokratîk re bi ti awayî destûr nayê dayîn. Bi dehan rojnameger girtî, bi hezaran welatî ji ber fikrên xwe anîne ser ziman hepsên wan de ne.

Di operasyonên wan yên li ser Metîna de ji ber gelê Şeladizê li ser baregeha leşkerên rejîma Komara Tirk ya dagirker û faşîst girtin, bi dehan ciwanên Kurdistanî girtin û ji îşkenceyan derbas kirin. Gelek dijberên PDK ji aliyê Parastinê ve hatin revandin û qetilkirin.

Ez pirsdikim, gelo ji bo PDK bibe dijmin divê hêjan çiyî din bike?

Roj Sterk