Bazên Zagrosê Govenda Azadiyê Digerînin

Îro hemu bazên ku ji hêlîna xwe bi firê ketibûn ber bi wargeha xwe ve, ber bi hêlîna xwedawenda Star, ber bi cihê ku tovên jiyanê lê wenda bûye vegeriyan. Û bi yek dengî, bi yek dilî, bi yek rihî li hemberî dagirkeran govenda azadiyê gerandin. Felsefa jiyanê ji nû ve di rih de ava kirin. Baz li hêlîna,  li wargeha mirovahiyê, ji bo xaka xwe ya pîroz mîna avaşîn pêl bi pêl vegeriya. Zargrosan darên xwe bi hatina wan xemiland. Hemû xweza, kûlîlk bi ava ji xwîna zarokên xwe, fedaiyên xwe zelalî girtin, hêvî şîn kirin.

Êdî bi hemu bedewiyên ser rûyê erdê her demsal bi hêvî xweşik dibe. Her çar demsal mîna keskesorê reng vedide. Bi coş û kelecana zarokên xwe, dengê kenên zarokên xwe yên leheng ku li hemberî dijmin govenda azadiyê digerînin li Avaşînê diteyise. Dengê fîşekên berxwedaniya kelha berxwedanê li Mamreşo, li Aris Faris deng vedide û berê xwe dide Metîna Cenga Xabûrê. Şervan û lehengên azadiyê silav dike. Silav dide fedaiyên Rêber APO, silav dide fedaiyên gelên bindest. Yên ku îro ketine cenga rûmetê. Şervanên Rêber APO bi ken û lehengiya xwe, bi bedewî û kelecana xwe tirs dixe dilê dagirkeran û bi ronahiya çavên xwe di şevên reş de dibe stêrk, dibe hêyv û diçirûsanîne. Dibe çira, dibe find ji gelên bindest re. Li hemberî hemu hovîtî û kîmyasalên ku li beden dikeve xwe nû dike. Dibe wolkan û diteqe di nava reştariyê de. Her fedaiyek ku xwe ji nû de ava dike, dibe pêşeroj ji zarokên Kurdistanê re.

Jîn Stêrk Întîkam