Kod Adı: Zınarin Botan
Adı Soyadı: Hacire Tanhan
Doğum Yeri: Mardin
Anne – Baba Adı: Sinem – Hüseyin
Şehadet Tarihi ve Yeri: 11 Şubat – 1 Mart 2017/ Mardin
Mêrdîn… Bajarê serhildêriya zarokên hêviyê… Tîrejên rojê berî ku dilsozên vê bajarên qedîm pîroz bike tu caran naçe ava. Gûndên vê bajarê weke berxwedêriyan dilê dayîk niştiman her di aliyê serhildêran de cih girtiye. Dilsozên roja xwe li ber dikin mertal, Mêrdîn jî di dilê Bagok de wan dihewîne.
Mêrdîn bi serbilindî behsa vê rojê dike. Ew ji kolanên vê bajarê heyanî Bagokê dest bi nivîsandina serpêhatiya pekrewaniyê dikin. Di sala 1982’an de yek jî ji wan kesan ku dest bi nivîsandina xwe ya berxwedaniyê bikira li gûndê Omeriya gavên xwe yên destpêkê davêt. Weke her zarokê Kurdistanê, ew jî bi çîrok û destanên qehremanên çiyayan ve mezin dibe. Gûndê Omeriya ku bi welatparêzên xwe her tim serbilind e keçekî xwe ber bi çiyayan ve oxir kir. Gelekî ku her tim di zinaran de rûmeta xwe parastiye û bûye xwebûn. Keçên vî gelê jî wê navê xwe kiriba Zinarîn û serpêhatiya Zinarîn jî ji bo zarokên Mêrdîn û hemu Kurdistanê wê bibûya çîroka jinên ku li hemberî neyaran serî netewandiye û tîlîlî kişandiye şahadetê.
Rêheval Zinarîn ku bi jiyana xwe û têkoşîna xwe bû soza serkeftinê, wiha qala jiyana xwe dike; “Ez di sala 1999’an ji Merdînê tevlî partiyê bûm. Bı taybeti Reberti dıl ket dest we deme biryare xwe da. Gırtına Reberti ra gel rabu serhıldane ew ji me bandorkır jı bo we tewli bûm.”
Evîn yên ku li heqîqetê, azadîyê digerin, hez dikin û bi hemû hebûn û heqîqeta xwe canê xwe didin vê rêwîtîye. Her yek ji wan şervanan dibin pêlek ji deryaya hêvîyê. Dilopên mîna vegotina kedê di bedewîyek geş de diherikin, di çirûska çavên wan de kenîn xweşîk xûya dike.
Rêheval Zinarîn ji bo şerê gelê şoreşgerî wiha dibêje: “pêwîste gel û gerîla bi hevra tekoşîn bike, gerîla wekî şoreşgerekî pewîste tev bigere û pêwîste gel li gerîla xwedî derkeve. Erkê ku dikeve ser milê me emê pêk bînin û bi serkeftinê tacîdar bikin. Ji bo bi rihê demê re jiyan bikim, hertim bi xwera tekoşîn dikim û girêdanbuna xwe ya bi Rêber Apo re hertim lêpirsîn dikim. Ji ber girêdanbuna min ya bi Rêber Apo re hestiyariye, ji ber wê jî hertim di famkirina Rêbertî de pirsgirêk jiyan dikim. Ji bo felsefe û îdeolojiya Rêber Apo fambikim û di jiyanî bikim hertim tekoşîn didim. Bi rihê serkeftinê emê şer bikin.”
