Newroz, li hemberî zilma Dehaqan û deshilatdariyê serî rakirine. Zilma desthildarîyê li ser erdnîgariya Mezepotamiya ya ku dergûşî ji mirovahîye re kirîye, her berdewam bûye. Li hemberî ve deshilatdarîye Kawayê Hesinkar serî rakir û 21 Adar’ê bû roja zayînê gelên bindest, agire ku di 21 Adarê de bi destê gelên bindest ve hate vexistin, dihat wateya roja ronî û bi dawîbûna tarîtiya zalîman. Dema dîrok te sedsala 20’êmîn carekî din tarîtî xwe li ser Kurdistanê aland. Vê carê ne Dehakek bû, bi sedan Dehakan bi deste xwe ya tarî bi komkujîyan, li ser gelê Kurd dipêçan. Lê di Newroza sala 1973’de Rêber Apo got, “Kurdistan metîngehe.” Bi vê gotinê, agirê ku ti hevî je nemabû, carekî din geş kir. Ji hevrêyên Rêber Apo û Kawayê hemdem Mezlûm Doxan, bi agire bedena xwe ev agir hîn geştir kir û zivirand roja serhiladana gelekî.
Derketina Rêber Apo, ji bo jina kurd bû vejînekî nû. Yek ji zaroken ve vejîne zaroka agir û rojê, rêhevala peşeng SEMA YÛCE bû. Rêhevala Sema, jinekî kurd, ya xwedî zanebûn û hişmendîya netewî û heskirna zayendî di xwe de dihewand. Li hemberî tevahî paşverûtîyen li ser jinan, jinên ku hatine tepisandin, li hemberî be nasname hiştinê li ser jin, serî rakirinekî mezin bû û ji bo vê berê xwe da riya azadîye û bû şoreşgera azadiya jin û welatê xwe. Li hemberî polîtîkayen qirkirinê dewleta Tirk ê faşîst di nava gelê xwe de têkoşîn dikir. Piştre bi destê dewletê we tê girtin.Tû carî serê xwe li hemberî faşîstan netewandîye û têkoşîna xwe domand. Bi vê têkoşîna xwe ve cihê xwe di rûpelên azadîyê de girt. Bi lehengtîya xwe ve bu destanek ku mîna ve di dîrokê de kêm hatîyê dîtîn. Navê xwe, kesên ku dil û mejîyên wan ji azadîyê bawer dikir nivîsand.Li hemberî zîhnîyeta zilamsalar tû carî sekna xwe ya Şoreşgerî tawîz neda û nebû hevkarên vê zîhnîyeta teslîmkar. Ji bo hemû jinan bû îlhama berxwedanê. Bi çalakîya xwe ya heybet di navbera 8’ê Adar û 21 Adarê de xwest bibe pirekî ji agir, bi agirê bedana xwe li hemberî hemû feraset û paşverûtîyên zîhnîyeta zilamsalar bû bersivekî dîrokî.
Bi sekn û çalakîya xwe re Heval Sema bû qîrîna tevehi Jinên Rojhilata Navîn. Li ser regezên Bîrdozîya Azadîya Jin û xwebûnê, xwe çalakîya xwe afirand û bû sekin û pîvanê azadîyê. Ji bo tevahî jinên azadîxwaz, bû mîrasê berxwedaê ku bi hezaran jin niha li ser vê mirasê têkoşîn dikin. Her wiha ev sekna Heval Sema Yûce di guhertina zilamê Kurd de jî bandorekî mezin kir. Ji bo vê Rêheval Fikrî Baygeldî ku ji çalakîya Şehîd Sema Yûce pir bandor dibe û ew jî çalakî dike û dibeje, “Sema fermandarê mine û ez evîndarê fikrên Sema me.” Di şexsê Heval Fîkrî Baygeldî de Rêbertîya me di riya azadîya jin de guhertina zilam kir bingeha felsefe. Bi banga Rêbertî ya “Aştî û Civaka Demokratîk” re jinan di 8’ê Adarê de li çar parzemînên cihanê kolanan bi berxwedanîyên xwe ve xemilandin û bi yek dengî gotin, “Jin, Jiyan Azadî”.
Bi vî çalakiya Heval Sema re û bi sedan hevalên ku bedena xwe dan ber agirê Newrozê û azadiyê ve girêdanbûna jin û Newrozê gelekî xurt bû. Jina ku nûnertiya mizgîniya Biharê û ji nû ve vejînê dike, bi çîrûskên agir dansa azadiyê dike ku îro bi mîlyonan jin ji bo şoreşa xwe dans dike. Jina Kurd di her demekî de xwezaya xwe ve pêşengtiya raperîn û serhildanên gelan kir. Bû pênaseya hebûna gelê Kurd. Bi qehremantiya xwe, bêtirs çûna ser dijmin ve ew rihê ku serê natewîne nîşan da. Heval Sema jî yek ji van hevalana ye ku bi çalakiya xwe manîfestoya azadiya jin û gelê xwe mîsoger kir. Rih, fikir, hestên xwe ve xwe gihand lûtkeya azadiyê. Birdoziya Azadiya Jinê di şexsê xwe de şênber kir. Heman demê dîroka jin û gelan gihand hev. Ya ku dikeve ser milên me jî xwedî li dîrok û berdelên wê derketin û dana jiyankirine. Di şexsê van hevalan de hemû hevalên şehît bibîr tînim û soza serkeftinê dûbare dikim.
Tekoşin Welat
