Nasnav: Nûda Dilara
Nav û Paşnav: Sümeye Polat
Dîrok û Cihê Jidayikbûnê: 1994/Wan
Navê Dayikê: Hinar
Navê Bav: Mahmut
Dîrok û Cihê Tevlîbûnê: 20 Cotmeh’a 2009/Wan
Dîrok û Cihê Şehadetê: 4’ê Adara 2012’an li Qendîl
Em bi hevala Şehîd Nûda re li heman bolûkê bûn. Em bi demekî dirêj bi hev re man. Ez çiqasî û çawa li ser hevala Nûda bibêjim wê kêm bimîne. Ji ber ku hevalake pir binirx û pir bi cewherî bû. Tevlîbûna wê jî heman bû. Yeka pir dilpak bû, min her tim dixwest bi wê re bidim û bistinîm. Min di jiyanê de pir bi wê re danûstandin dikir. Bi hevalên giştî re jî heman bû. Dikarî bide û bistîne. Hevalan pir ji wê hezdikirin. Hevala Nûda pir bal dikişand.
Hevala Nûda pir fedekar bû û bê hesab tevlî jiyanê dibû. Me car caran digot; “Hevala Nûda hinekî bisekine û vehese.” Xwe ewqasî diwestand. Wê her tim xwe ji xebatên pratîkê re pêşniyar dikir. Hevalake pir fedekar bû. Mirovan dema ku li wê dimeyzand mînak ji wê digirt.
Pir bi temen ciwan bû û tevlîbûnekî wê ya pir bi cewherî hebû. Dema hîn li malê dima, malbata wê hîn ew di 17 salî de dixwestin wê bizewicînin, wê jî ew yek napejirîne û tevlî partiyê dibe. Tevlîbûna wê wiha pêkhatibû. Wê bixwe jî dianî ziman; “Malbata min bi zorê dixwestin min bizewicînin, min ev yek nepejirand. Û ez hatim û tevlî Partiyê bûm.”
Lêgerînên wê yên dahûrandina malbatê û hewldanên wê yên bikaribe binase hebûn.
Dema ku wate nedida tiştekî diavêt hindurê xwe. Bi derdora xwe re parve ne dikir. Dema te li wê dimeyzand car caran bêdeng bû.
Xwe dida koşeyekî. Ez car caran diçûm gel wê, min bi wê re nîqaş dikir. Û min ji wê re digot; “Çima tu evqasî bêdeng dimînî?” Hevaleke pir dilpak û saf bû. Di jiyanê de wate dayîna ji nêzîkatiyên kêm re zorî dikişand. Rêxistin pir zêde nasnedikir. Hevaleke nû bû.
Rêhevaltiyeke pir xweşik a hevala Nûda hebû. Wê nirxeke zêde dida hevaltiyê. Rêbertiyê ji bona hevala Nûda gotibû; “Hevala Nûda mîna firişteyekê ye.” Bi rastî jî ez dikarim ji bona hevala Nûda bibêjim ku “mîna firişteyekê bû.” Ew pir bi cewherî bû û xwezayî bû. Dixwest xwe pir pêşbixîne.
Dema ku me şehadeta hevala Nûda bihîst, em hemû pir pê bandor bûn û şehadeta wê ez pir xemgîn kirim.
Ji malbata hevala Nûda yên tevlî nava refên Partiyê bûne jî hene, bi çend keçmamên xwe re tevlî bûbûn. Ji me re her tim qala wan dikir. Ji aliyê Elbakê zêde tevlîbûn nedibûn. Wê her tim ji me re digot; “Çima hemşeriyên min tevlî nabin” wiha henek dikirin. Ji malbata wê pir şehîd jî hebûn. Girêdayîna wê ya ji partiyê re jî hebû.
Hevala Nûda her tim wê çawa bibe layîqî hevalên şehîd lêhûrbûnekê jiyan dikir.
