Ez di serî de vê komploya di şexsê Rêber Apo de li ser tevahî gelan pêk hatî şermezar dikim. Armanca komploya li dijî Serokatî pêk hatî tunekirina tevgera me û gelê Kurd bû. Lê ji roja ku Rêber Apo dîl ketiye zindana Îmraliyê heta niha têkoşîn ji her demê behtir xurttir bûye û her diçe xurttir dibe. Komplogeran hêvî dikir ku dema wan Serokatî xistin nava çar diwaran dê bikarin tevgera me tasfiye bikin û gelê Kurd jî tine bikin. Lê bi sekna Serokatî hêviya komplogeran şikest û hêviya gelên cîhanê zêdetir bû. Bêguman li hember vê komploya rûreş sekna tevgera me û gelê me jî yek ji diyardeyên herî bingehîn bû. Lewma li her qada ku bi navê Rêber Apo radibin, li hember komplogeran helwesta xwe raber dikin û li dijî wan radibin. Ji ber vê yekê jî dibe ku Serokatî di nava çar divaran de be lê bi rih, fikir her tim di nava gelan de dijî.
Çawa ku Rêber Apo bi fikrên xwe ji bo tevahî gelan re bûye feyza têkoşîn û azadiyê, gel jî îro li hember komployê bi feyza ku ji Rêber Apo digirin têkoşîneke bêeman didin. Em weke zarokên vî gelê ji sekin û biryardariya gelê xwe hêzekî gelekî mezin digrin.
Li hember komployê ne tenê em û gelê Kurd, tevahî gelên cîhanê radibin ser lingan û têkoşîn dikin. Pêngavan didin destpêkirin, meşan pêk tînin, grevên birçîbûnê didomînin û bi çalakiyên cur be cur helwesta xwe ya beramberî komployê didin nîşandan. Bêgûman çavkaniya vê yekê ji hêza Rêber Apo ye, ji sekna Rêber Apo ye. Serokatî bi sekna xwe hemû dewlet xistine nava tengasiyeke mezin. Her ku dikevin nava tengasiyê mecbûr dibin biçin ber lingê Serokatî.
Dabînkirina azadiya fîzîkî ya Rêber Apo armanca sereke ya me Gerîlayên Azadiya Kurdistan û tevahiya gelan e. Lewra ji ber vê jî gelek ked, bedel tê dayîn. Çawa ku Rêber Apo di zindana Îmraliyê de berxwedaniyeke bêhempa raber dike, em jî weke şervanên azadiyê û gel jî bi vê biryardariyê tevdigerin û heta azadiya fîzîkî ya Rêber Apo mîsoger nebe wê sekin ji tu kesekê re tune be. Wê têkoşîn ji herdemî zêdetir xurt bibe û bigihêje serkeftinê.
Heta ku Rêber Apo ji zindana Îmraliyê dernekeve û azadiya wî ya fîzîkî pêk neyê, em ê ti caran ji têkoşîna xwe tawîz nedin. Heta dawiyê emê têkoşîneke pir mezin bimeşînin da ku Rêber Apo wek fîzîkî jî di nava me de be. Dibe ku di van deman de bi Serokatî re hevdîtin çêdibin, lê ev nayê wê wateyê ku Serokatî ne di bin tecrîdê de ye û tecrîd rabûye. Ji bo vê jî heta ku ev rewş bidome em ê jî ti caran dev ji têkoşîna xwe bernedin. Heta ku ev dijminê dagirker bi ser me de were û êrîşên hovanê bidomîne, wê têkoşîna me jî ewqas bi dijwarî bimeşe. Nîşaneya têkoşîna me di biryardariya di sekna gelê me de, di têkoşîna hevalên me de û fedaiyîtiya Asya û Rojgeran de ji xwe şênber e.
Besta Sîdar
