Nasnav: Raperîn Batman
Nav û Paşnav: Fatma Başak
Dîrok û Cihê Jidayikbûnê:1991/Batman
Navê Dayikê: Sultan
Navê Bav: Ahmet
Dîrok û Cihê Tevlîbûnê: 29.5.2011/Şirnex
Dîrok û Cihê Şehadetê: 3’ê Tebaxa 2012’an li Gabar
Ji Bo Bîranîna Rêhevala Raperîn Batman (Fatma Başak)
Hevalên ciwan ên ji Bakur tevlî bûyîne di nava wan de hevala Raberîn jî hebû. Wan li Bestayê perwerdeya xwe ya şervanên nû dît. Ji bo qada pratîkê jî çû qada Gabarê. Ez di nirxandina rêhevala Raperîn de zoriyê dibînim. Ew Koçer bû. Tevlîbûna wê ya ji jiyanê re bicoş û moralê wê ruh dida mirovan. Em zivistanekî li gel hev man. Di demê destpêkê de kesayetiya xwe dayîna îfadekirinê zorî dikişand, encax bi demê re nasîna wê ji gerîla û jiyanê re cihê xwe ji moral û parvekirinê re hişt. Ew mirovek xwezayî bû. Ew bi sekna xwe ve dihat nasîn, ew xwediya vîneke mezin bû. Wê qet nexwendin bû. Wê xwe fêrî xwendin û nivîsînê kir, di gelek mijaran de kesayetiya xwe da pêşxistin. Ew di gelek mijaran de bêdeng bû. Lê belê awazên wê digotin mirov dicoşand. Wê ji berxwe ve gelek awazên dizanîn hebûn ku, mirov dihizirî ku ka wê çawa evqas awaz jiberkirine. Bawerî û coşa wê ya bi wê heyî hêz ji hevalên kêleka xwe digirt.
Ew bi 5 hevalên xwe re şehîd ketibû, şehadeta wê pir bandor li me kir û me pir zorî kişand. Çawa şehîd ket. Em hizirîn ku me got çima me nekarî wê biparêzî. Êrîşa hewayî bûbû, ev êrîş li herêma Çiravê pêkhatibû. Ji wan sê heval hevalên ku ji Bakur tevlî bûbûn. Me ji tevlîbûna wan hêz digirt. Me ji tevlîbûna wan moral digirt. Diyalog û nîqaşên me bi hev re çêdibûn. Wê her tim digot ez ê herim pratîkê û ew pratîka ku pir jê hezdikir jî, çû. Di çalakiya hatiye jiyankirin de, dijmin bi awayekî hovîtî êrîşa teknîkê bikaranîbû. Mirov pir bi zorî dibîne ku bide îfadekirin.
Ez di kesayetiya hevala Şehîd Raperîn de tevayî şehîdan bibîrtînim. Ez cardin soz didim ku di kesayetiya wan de em ê têkoşînê bilindtirîn bikin. Dema ku ez wan vedibêjim, dizanim ku ez pir kêm dimînim. Ji ber ku van xweşikbûyînan vegotinkirin wisa ne hêsanî ye. Di kesayetiya hevala Raperîn de tevayî şehîd di dilê me de ne. Em ê di kesayetiya wê de têkoşîna xwe bidin berdewamkirin.
Ez li hember bîranîna wan bi rêzdarî bejna xwe ditewînim.
Hevrêyên Wê Yên Têkoşînê
