Te biser rojan re qevast

Gulan Botan

Demsalan dewsa xwe danîn ser eniya te

Te nizanîbû bihara bêwext dilê te ye

Tu li ser rêya revê

Ez li deriyê biharê, ber keskesorê

Hunikahiya cenga pelpelîsankê dikeve ser

kesra dilê min

Min birîna xwe ya bêxwîn kewand

Bayê biharê xwe di nav porên min de badide

Hesret û bêrî, jina razayî anî

Kengî razaye nizanim

Lê îro dizanim

Tu çiqas zivistan bî

Ez her keziya tavê me

Seh bike hilma germahiya

bêriya hezar salan