Navenda Akademiya TEV-ÇAND ê 11 Gulanê jî roja şehîdên çand û hunerê ye. Di vê rojê de şehîd ozan Mizgîn bi awayekî lehengî li Tetwanê şehîd dikeve. Hevala Mizgîn, di temenekî biçûk de tevlî tekoşîna azadiyê dibe û bi awayekî aktîf tevlî xebatên şoreşê dibe. Li batmanê mezin dibe û bi hevalê Mazlûm Doxan û bi hevalê Egît re xebat dide meşandin. Rixmê ku pir ciwane jî bi awayekî xurt tevlî xebata dibe. Piştî ku demek di xebatên qada Bakûr de dimîne derbasî qada lubnanê dibe û li gel Rêber Apo perwerde dibîne. Hevala Mizgîn hem ji ber dengê xwe xweşe û hem jî ji ber temenê xwe biçûke ji hêlê Rêbertiyê ve ji bo rêxistinkirina Koma berxwedan tê erkdar kirin û bi vê sedemê derbasî qada Awrûpa dibe. Li Awrûpa bi Şehîd Sefkan re xebatên çand û hunerê dide meşandin. Di xebatên çand û hunerê de pir bi bandor dibe û di rêxistinkirina ciwanên Kurd de rolekî girîng dileyîze. Gelek ciwanên Kurd, ji hevala Mizgîn bi bandor dibin û tevlî tekoşînê dibin.
Hevala Mizgîn hem bi dengê xwe û hem jî bi tekoşîna xwe ya di nav tevgera azadiyê de dibe ziman û mînaka tekoşîna me. Ango nasnama hunera şoreşgeriya tekoşîna Kurd pênase dike. Şoreşgerek pir milî ango yekparetiya milîtantiya PKK îfade dike. Tenê ne hunermend e, di hemû qadên şoreşê de di asta herî jor de tevlîbûn dide çêkirin. Qasî hunermendiya xwe fermandarek mezin, siyasetmedarek û pêşengek mezin bû. Di qada leşkerî de fermandarek mezine ku di dîroka tekoşîna PKK de cara yekemîn weke jinek Kurd di asta fermandariyê de erk digire. Di qada siyasî, civakî û çandî de raperîna li hember mêjiyê desthilatê û weke jinekî Kurd pîvanên serweriya paşverû dişkîne. Di zanebûna tekoşîna azadiya jin de rêxistinkirinên mezin dide çêkirin. Di sala 1987 de pêşengtiya avabûna YJWK ê dike. Di dîroka xweser ya jin de rola hevala Mizgîn di asta pêşengitiyê de ye. Di avabûna YJWK de pêşengtiyê dike û dihêle ku tekoşîna azadiya jina Kurd heya roja me ya îro bê navber berdewam bike.
Dema em hestên xwe bi deng û muzîka hevala Mizgîn bidine xwedî kirin wê demê emê karibin tekoşînek rast û jiyaneke rast derxin holê. Eger em vê bikin emê karibin wate, hest û mezinbûna hunera şoreşgerî ya Kurd derxin zanebûnê. Di vê watê de em carek din di şexsê hevala Mizgîn de hemû şehîdên çand û hunerê bi bîr tînin û em weke rêxistina TEV-ÇAND ê soza xwedî derketina li bîranîna wan didin.
