Jinên Tekoşer Ronahiyê Her Diçe Belav Dike

0Shares

Tekoşîna azadiya jinê di çerçova tekoşîn û berxwedaniya bo jiyanek wekhev, azad û rêxistinî her roj zêdetir diherikin kolanên çar aliyê Kurdistanê. Tekoşîna jinê di bin pêşengtiya Jinên Kurdistanê re îro gihêştiye asta gerdûnî. Pirsgirêka jinê, pirsgirêka azadiye yê. Ji bo wê jî bêrî her tiştî divê pênaseya azadî were kirin. Azadî hebûna jinê ye. Dibêjin li hêbûna xwe, li nasnameya xwe xwedî derbikevin û bikevin ferqa hezkirin û eşqa rastîn. Zihniyeta desthilatdar ya zilamsalar çawa xwe birêxistinkir destpêkê êrîşî jinê kir û heya roja me ya îro jî dixwaze hêza xwe li ser jinê ferz bike. Mafê jinê yê jiyan û hebunê bi navê eşqê qir dike û tine dike. Gelo eşq û hezkirina rast çiye? Rêber APO dibêje; “Evîn lêgerîna azadiyê ye.” Divê jin her daîm li pey wê lêgerînê têbikoşin. Ji bo jiyanekî wekhev, hezkirinekî rast pêş bikeve. Ji ber ku pêwîstiya azadiya jinê ji bo azadiya civakê jî mijara bingehîn e. Civak û jin nikarin ji hevdu qut bêne destgirtin, ji ber ku girêdayî ne. Civakek ku jin têde kole be, wek kole bê dîtin nikare behsa azadiya xwe ya civakî jî bike. Di meşa tekoşîna azadiya jin de astengiya herî mezin derdikeve pêş asteng kirina azadiya jin bi xwe ye. Fêmkirin, bi fam nêzbûn û dîtinê re girêdayi pêşdikeve. Asta fêmkirinê bilind kirin û li ser wê bingehê nasnameya jina azad rast dest girtin û serxistinê tîne. Jin ketiye wê ferqê ku ji dîrokê ve heya roja me ya îro zihniyet û pergala desthilatdar her êrîşî wê û civaka wê kiriye, qir kiriye lê wê her berxwedaye. Jin dît ku çi astê de berxwedanî û tekoşîn meşandiye û giringiya vê yekê bo civaka azad jî dîtiye.

Rêber APO bi rojevên weke hevjiyana azad, kesayeta jinên azad, rêk û rêbazên tekoşînê bi fikir û ramanên xwe nîşanî hemû mirovahiyê daye. Em jî divê bi hedefa xwe gihandina azadiya jin, di kesayetên xwe yên şerker de zanebuna xwe bi pêşde bibin, xwe kur bikin û ji hemu jinên cîhanê re pêşengtiya xwe bidomînin. Ew kesayetên jina azad di kesayeta jinên pêşeng û şoreşker yên PKK û PAJK’ê de xwe afirandine. Pîvana Ş. Zilan daniye heye. Reya nîşanî me daye ji bo hemû jinên azadîxwaz û bindest re bersiva tekoşîn û berxwedaniyek çawa ji mere dide.

Em sedsala 21.’în de wekî jin ji her demî zêdetir berxwe bidin û vê salê bikin sala şoreşa azadiya jinê gihandina serkeftinê. Em di vê 8’ê Adarê de dengê xwe hîn bilindtir bikin û xwe bigihînin hemu jinên di bin zilm, zor û qirkirinan re ru bi ru ne. Bi felsefe û bîrdoziya Rêber APO re çareserî û tekoşîna heyî gelekî dewlemendtir buye. Em belavkirina zanista jin bi jineolojî pêşbixin, bigihêjin tevahî jinên cîhanê. Heger şoreşek li dijî zihniyeta zilamsalarî were pêkanîn ew jî encax dikare bi destê jinên tekoşer pêk were.

Sema Amara

Attachment