Hêza Parastina Civaka Rojava; YPG û YPJ
Şervîn Herekol
Bi salên dirêj e têkoşîna gelê kurd ji bo azadiya xwe di Rojavayê Kurdistanê de şer dike. Îro berhemên xwe yên berbiçav derdixe holê. Bi destpêka şoreşa 19’ê Tirmehê gelê me bi hemû beşên civakê, hêza xwe bi hemû aliyan ve tevlî tevgera azadiyê kir. Jixwe bi salane gelê me berdêlên gelek mezin daye. Şehadet,girtina zindanan, êşkence, komkujî û bi rêbazên hovane re rû bi rû maye. Lê dîsa jî şûn ve gav ne avêtiye. Dema ku bi bihara ereban ve derfetê şoreşê derket pêş me ew hê baştir nirxand. Gelê me bi eşqa azadiyê rabûn ser piyan. Di şoreşa rojava de xeta 3. Hat bingeh girtin û têkoşina xwe ya demokratîk û aşîtyane pêş ve bir.
Bajarên xwe ji hêza rêjîma Baas rizgarkirin. Raperînek esas girtin. Lê piştî azadkirina bajaran pêwistî bi parastina vê nirxê mezin jî hebû. Ji bo vê pêwistî bi hêzeke leşkerî ya parastinê jî hate dîtin. Lê daxwaza keç û xortên rojava, ji bo parastinê hat dîtin. Yekîneyên Parastina Gel YPG hate damezirandin. YPG di 19’ê Tirmeha 2012 an de hat îlankirin. Ev bi serê xwe şoreşeke civakî dide îfadekirin. Ev jî çavkaniya moralê bû. Ji bo wê jî bi hezaran keç û xortên kurd serî li YPG ê dan ji bo beşdarbûna xwe…
Ev asta porfesyoneltiya leşkerên YPG bi berxwedaneke mezin di şerê li hemberê hêzên dewletê de xwe isbat kir. Li hemberê hêz û komikên der ve jî berxwedaneke mezin meşandin. Çiqas ku gelek şehîd û birîndar jî bidin bi vê berxwedana herî mezin meşrûbûna xwe jî bi dest xistin. Lewma îro ji bo hêza parastina gel bi fedayane têkoşîn dikin û li ber xwe didin. Ev hêz hêza Rojavayê Kurdistanê ye.
Bêguman yên ku herî bi bandor in di nav civakê de jî hêzên leşkerî yê YPG û YPJ ne. Jina Kurd di vê pêvajoyê de ti caran roleke bê bandor ji xwe re nepejirandiye. Çawa ku jina kurd di nav siyaseta demokratik de her li pêş e ji aliyê leşkeri û civakî de jî di asta pêşengîtî de rista xwe dilîze. Lê çiqas ku di karê din de hêza xwe nîşan dide di nav YPG‘ê de hêza jin ji aliyê hejmarê ve jî pir zêde dibe. Ev hêz, hêza jin ya parastina cewherî û nûnertiya jin bi xwe ye…
Rêxistina leşkerî ya jin xwe li ser hemû xebatên me yên din ferz dikin û bingehê xwe dide hêza jin ya Rojavayê Kurdistanê…
Ev îlan ilana vîna jina Kurd ê Rojavayê Kurdistanê bû. Gava rêxistinbûna yekem bi konferanseke taybet hate avêtin. Ev hêza di nav şerê de li hemberî Rejîma Baas û hêzên pêxas de berxwedaneke bêhempa da û serkeftina xwe li rûpelên dîroka lehengîtiyê nivîsand. Di dilê dijminê gele Kurd de tirs û xofeke herî mezin da avakirin. Bi vî rengî jina Kurd him ji bo parastina nirxên gele kurd yên ku bi dest xistiye û him jî ji bo parastina jina Kurd pergala, mêrê desthilatdar û rejîma wî rûdixe. Bi vî rengî xwe ispat kir ku jina Kurd hêza xwe ji hemû milan ve rexistin kir û bi vî hebûnê dikare civakê bi rê ve bibe. Niha jî pênc tabûrên jin di nava YPG de xwe bi rê ve dibin. Xwe perwerde dikin û şer didin meşandinê. Bi vî rengî şoreşa civakê, hebûna xwe di kesayeta jinê û hêza wê de diyar dike.