Bi Rabûnekî Mezin Û Tekoşînekî Bi Heybet Em Komployê Têk Bibin

Em 23, salvegera komplo ya hêzên navnetewî li hemberî Rêberê me pêşxistin bi hêrsekî mezin şermezar dikin. Bi hesap pirsînekî dîrokî ya ji van hêzên ku di plangeriya komplo de cih girtine em dikevin sala 24’an ya komplo. Di şexsê M. Halît Oral û Aynûr Artan ên ku bi Rêber APO re rêhevaltiyekî dîrokî pêşxistin, rastiya komplo zûtirîn hîskirin û li hemberî komployê çalakî kirin, tevahî şehîdên bi dirûşmeya ‘Hûn Nikarin Roja Me Tarî Bikin’ çalakî pêk anîn bi rêz, hezkirin û minetdarî bibîr tînin. Dîsa em di şexsê fermandar û lehengê mezin Şoreş Beytûşebab de tevahî qehremanên di pêngava “Dem Dema Azadiyê Ye” de li Garê, Zap, Metîna û Avaşînê bi ruhê fedaî li berxwe dan û gihîştin şehadetê bi bêrîkirin û heskirin bibîr tînin. Wekî Partiya Azadiyê A Jinên Kurdistanê em biryardariya xwe ya bilindkirina tekoşînê û bi hêzkirina pîvana jiyana azad ya di xeta berxwedanê de tînin ziman. Em Rêber Apo ku li dijî komplogeran berxwedana dîrokî dimeşîne, zanebûna tekoşînê da me, derfet û hêza wê da me silav dikin.

Rêber Apo bi kesayeta xwe ya dîrokî, bi tekoşîn û berxwedana mezin ya ku nîv sedsale tê meşandin û mezin dibe heqîqeta mirovê azad û dîroka hebûna Kurdbûnê ji nûve jîndar kir. Ji bo zayîna sêyemîn tekoşînekî dîrokî pêşxist, pîvana tekoşînê jî jiyana azad, xeta berxwedanê û ruhê fedaî bû. Dîsa mîsogeriya azadiya jinê û pêşxistina rastiya wê ya xwedawendiyê bû. Hêzên kapîtalîst, hegemonîk yê Rojavayî û dewletên paşverû li herêmê meşa dîrokî ya Rêberê me ku li ser vê bingehê da dest pê kirin, ji bo pergala xwe wekî pêvajoya tinebûnê dîtin û bi komployê bersiv dan vê heqîqeta mezin. Bi rêbaz û kirêdiya zihniyeta mêr-dewlet Rêber Apo dîl girtin. Bi dîl girtina Rêberê me, dîl girtina doza gelekî û tinekirina tekoşîna azadiyê ya jinê hatibû armanc kirin lê bi serneket.

23 sal e Rêber Apo li îşkencexaneya Îmraliyê, bi tecrîd û îşkenceyekî giran re rû berû ye. Di nav van şertan de, şerê herî mezin ê serdemê li hemberî komplogeran dide. Pergala Îmraliyê pergalekî bitenêbûn ê teqez e. Komplo û plangeriyên li hemberî Rêber APO pêşxistin, îtirafa tirsa ku li hemberî nasnameya jina berxwedêr û mirovê azad tê jiyîn e. Rêberê me pergala Îmraliyê bi pêşdîtinên xwe yê dîrokî û siyasî girt dest bi van tespîtan bi nav kir “Sîstema Îmraliyê ji aliyê sîstem/cîhana kapîtalîst ve bi taybetî li dijî min hatiye amadekirin. Li vê sîstemê cihê hiqûq û qanûnan nîne. Ji bo îradeyê qels bike, bi demê re birizîne û teslîm bigire hatiye amadekirin. Ji destpêka vê pêvajoyê ve însiyatîf di destê DYA’yê de ye, Îngilîstan û Îsraîlê roleke girîng lîstine.” Divê werê zanîn li ser Rêberê me zextekî mezin heye. Di sala 23, de tecrîd û zextên li ser Rêber Apo hîn girantir bû. Bi cezayê ku li ser hev hatin dayîn tê fam kirin Rêber Apo li hember tecrîda girankirî û zextan bi berxwedanê bersiv da ye. Em wekî jin, milîtanên partî û gel li hember tecrîda girankirî ya li ser Rêberê me tê ferzkirin hêrs û tekoşîna xwe bilindtir bikin. Fêmkirin û hîskirina şerê Rêber Apo li Îmraliyê dimeşîne, şertê bingehîn ê jiyana azad e. Rêber Apo bi tekoşîn û berxwedana dîrokî ku mînaka wê li cîhanê çênebûye bersiv da komlogeran û bi fedakariyekî bê hempa vala derxistiye, pêvajoya Îmraliyê kiriye bingehê zayîna sêyemîn, pergala Netewa Demokratîk a li ser hîmê Modernîteya Demokratîk ava kiriye.

Paradîgma Rêber Apo, ji qirîzên Rojhilata Navîn û pergala kapîtalîst ya hegemon çareseriyê pêşkêş dike. Fikir û parêznameyên Rêber Apo ne tenê ji bo pirsgirêka gelê Kurd, ji bo tevahî pirsgirêkên jin-civak-mirovahiyê, ji bo Rojhilata Navîn û xelasiya cîhanê alternatîf in. Di ser asta cîhanê de êdî fikir û paradîgmeya Rêberê me bi eleqeyekî mezin tê lêkolînkirin, xwendin û nîqaş kirin. Daxweza azadiya Rêber Apo ya fîzîkî, êdî ne tenê daxweza gelê me û jina Kurd e, ya hemû mirovahiya azadî xwez e. Di sala 23. ya komployê de tekoşîna ku li seranserî cîhanê ji bo azadiya Rêber Apo pêşket heqîqet û kesayeta dîrokî ya Rêberê me îfade dike. Li ser bingehê vê rastiyê paradîgmeya Rêber Apo çiqas bi jiyanî bibe û fikrên wî werin pêk anîn, wê tecrîda mutlaq werê parçekirin, pergala îşkenceyê bi dawî bibe û azadiya fîzîkî mîsoger bibe.

Hêzên navnetewî yên komploger ji bo îradeya Kurdê azad bişkînin, hêza ku pêşengî ji tekoşîn û tevgera Apo’yî re dike jin û ciwanan teslîm bigre, ji nirxên tekoşînê dûr bixîne, bê bawer bike şerekî topyekûn, siyasetekî qirêj ya pir alî xistin meriyetê. Planên nû yên qirêj ji bo nûkirina komplo xistine dewrê, ji vê jî şerekî bi xwînxwarî dimeşînin. Bêdengiya li dijî qetilkirin û hedefgirtina Kurdê azad û jina berxwedêr berdewamiya temam kirina komploya navnetewî ye. Li hemberî îsrara Rêber Apo ya di xeta berxwedanê û pêşxistina tekoşînê, sekna gelê me yê welatparêz, jinên tekoşînvan û tevgera azadiyê dewleta Tirk ya qirker bi pêşengiya faşîst Erdogan-Bahçelî û PDK’ê bi stratejiyekî nû şerekî qirêj li Kurdistanê dimeşînin. Desthilatdariya AKP-MHP’ê ya faşîst bi piştgiriya hêzên navntewî ya siyasî û kirîna her cûre çekan ne tenê li dijî Bakûr, li Rojava, Şengal, Mexmûr û herêmên Parastina Medya şerekî topyekûn di sala 2021’an de pêşxistin. Rêjîma qirker ya AKP-MHP’ ku veguheriye rêjîmekî çete û mafya li hemberî tekoşîna tevgera azadiyê û sekna jinên berxwedêr û gelê me yê welatpêrêz bi binketiye û hatiye ber bi rêjîmekî hilweşînê. Konspta şerê qirkirinê yê ku dihat armanc kirin di sala 23’an a komplo de bê temam kirin, bi fedekariyên mezin, bi berdêlên giran, bi tekoşîn û berxwedanekî dîrokî carekî din hate pûç kirin.

Di sala 2022’yan de wekî Partiya Azadiyê A Jinên Kurdistanê, wê di navenda tekoşîna me de hedefa sereke azadiya Rêber Apo be. Bi Azadiya Rêber Apo re şoreşa jin û bîrdoziya rizgariya jinê jiyanî kirin û nirxên wê parastin û belavkirin wê bibe hedefa me ya bingehîn. Em wekî partî, jin û gelê ku di xeta Apo’yî de şerê jiyana azad didin erkên xwe bi cih bînin, fikir û felsefeya Rêberê xwe her kêliyê bi jiyanî bikin û xeta şehîdan serwer bikin, wê tekoşîna ku em bi îda û biryardarî pêşengiyê jêre dikin bighîje serkeftinê, rêjîma faşîst hilweşê, hêzên hevkar û xayîn mahkûmî binkeftinê bibin.

Li ser bingehê vê bîr û baweriyê divê di serî de jin, gelê welatpêrêz, berxwedêr û tevahî dostên ku tekoşîna tevgera azadiyê ya ji bo jiyanekî wekhev û azad dimeşîne mafdar dibîne, pê bawer dike û di oxira wê de ji bo azadiya Rêber Apo ya fîzîkî tekoşînê dide sala 24’an ya komployê veguherînin sala raperînekî mezin ya jinan û gelan li dijî zihniyeta kujer ya mêr-dewlet û pergala wê ya kapîtalîst. Pêngavên “Dem Dema Azadiyê Ye” û Dema Parastina Jin û Civaka Azad e” dikare bi bilindkirina tekoşînê û pêşxistina sekna berxwedêr ya li dijî komplo bighîjîn armanca xwe. Bi vê îda û biryardariyê em dibêjin em ê, sala 2022’an teqez bikin sala azadiya Rêber Apo ya fîzîkî û planên nûkirina komployê pûç bikin.

Koordinasyona PAJK