Ji Bo Bîranîna Rêhevala Şayan Cûdî
Nasnav: Şayan Cûdî
Nav û Paşnav: Hevîle İzer
Dîrok û Cihê Jidayikbûnê: 15.08.1984/Şirnex
Navê Dayikê: Asya
Navê Bav: Yusuf
Dîrok û Cihê Tevlîbûnê: 1996/Etruş
Dîrok û Cihê Şehadetê: 9’ê Sibata 2012’an li Çelê (Çukurca)
Dema ku PKK’ê şerê çekdarî dayî destpêkirin û di heman demê de ji bona gelê Kurd 15’ê Tebexa 1984’an ku mîna “Roja Vejînê” hatiye binavkirin, Hevîle İzer a bi nasnava “Şayan” gerîlaya HPG’ê li Gundikê Remo ya girêdayî Şirnexê tê cîhanê. Ew di nava çanda berxwedêr a gelê Botanê de mezin dibe. İzera ku xwe bi vê mîrateya herî kûr dayî mezinkirin; ji bona azadiya jina Kurdisatanê encax wê bi çiyayên azad re bê bidestxistin, bi vê hestiyariyê ve di sala 1996’an de beşdarî nava refên PKK’ê dibe û dikeve nava têkoşînekî hîn çalaktir. Botan di dîroka têkoşîna şerê çekdarî ya PKK’ê de xwediya ciheke cuda û girîngiyekê ye, dîsa bi taybetî İzera ku weke jineke gerîla xwe bi xwe bi çiyayên ezîm, coş û nayên zevtkirin ve dayî xemilandin û gihandin; bi van taybetmendiyên xwe ve û bi ronahiya têkoşîna azadiya jinê ve dikemilîne û di tevayî qadên têkoşînê de bi performanseke bilind derdixîne holê.
Di mercên herî zor de dev ji têkoşîna xwe bernade, bi rexmî tevayî çewisandin û êrîşên dewletê, İzera ku di hemêza gelê Kurdistanê yên berxwedêr de ku neçar dimînin koç bikin, mezin dibe; ku zarokatiya wê ya di nava zor û zahmetiyan de derbas dibe, vê yekê di kesayetiya xwe de werdigerîne guhertin û kûrbûyîneke mezin, bi vî awayî dibe gerîlayeke jin a bihêz. Hevala İzer, di nava PKK’ê de destpêkê li qadên mîna Xinêrê, Qendîl, Zagros, Garê, Çiyayê Spî, Metîna û Zapê dimîne, bi gelek dewreyên perwerdê û ponîjînê ve kesayetiya xwe bi taybetmendiyên mîlîtantiya şoreşgerî dikemilîne; li tevayî qadên ku peywir lê dayî meşandin, ciheke cuda di dilê hemû hevalan û çiyayan de dide avakirin. Hevala Hevîle İzer a bi nasnav “Şayan” bi zanistiya wê jin bi têkoşîna çiyayan re hîn xweşiktirîn bibe tevger dike; bi baweriya ku wê çiya bi hebûna jinan re hîn watedartir bibe, di bin her mercî de dibe xwediya kesayetiyeke ber bi azadiyê ve dimeşe.
Hevala İzer a ku bi perwerdeyên dîtî û ponijînên jiyan kirinê ve di felsefeya jiyana azad a Rêber Abdullah Ocalan daniye holê de kûrbûyîneke mezin di kesayetiya xwe de dide avakirin, di derbarê wê de Fermandariya Biryargeha Giştî HPG’ê van nirxandinan dike: “Hevala Şayan bûye şervaneke bê hempa ya Têkoşîna Azadiya Jinê, li dijberî her awayê nêzîkatî û ferasetên paşverû û xwemalîkirina pergalê têkoşîneke ya bê hempa dike rêgezên xwe yên têkoşîn û jiyanê. Hevala Şayan; xwe bi hezkirina rêhevaltiya kûr ve dixemilîne, bi wî awayî bûye şopdara mîlîtanên jin ên berxwedarên Gelê Kurdistanê. Li ser şopa Şehîd Bêrîtanan, Zîlanan, Viyanan têkoşîna ruhê Fedayî Ya Apoyî di mejiyê xwe de dide çandin û bi wî awayî li dijberî dijmin lehengtiyeke destanî derdixîne holê.”
Hevrêyên Wê Yên Têkoşînê
